ပြည်သူ့ရေးရာကော်မတီသည် အကြမ်းဖက်စစ်တပ်၏ ဥပဒေမဲ့အာဏာသိမ်းမှုကို အကြမ်းမဖက် အာဏာဖီဆန်လှုပ်ရှားမှုဖြင့် ဆန့်ကျင်ခဲ့ကြသည့် CDM ပြည်သူ့ဝန်ထမ်းများနှင့် နွေဦးတော်လှန်ရေးတွင် ကျဆုံးခဲ့ရသော CDM သူရဲကောင်းများ၏ ကျန်ရှိသောမိသားစုများအား ကူညီထောက်ပံ့မှုများ လုပ်ဆောင်လျက်ရှိပါသည်။ ထို့အပြင် အကြမ်းဖက်စစ်တပ်၏ ဥပဒေမဲ့ဖိနှိပ်မှုများကြောင့် နေရပ်စွန့်ခွာ၍ စစ်ဘေးရှောင်နေကြရသည့် ပြည်သူများစာရင်း ပြုစုရန်နှင့် လူသားချင်းစာနာ ထောက်ထားမှုအကူအညီအတွက် ဝန်ကြီးဌာနများ၊ အဖွဲ့အစည်းများနှင့် ချိတ်ဆက်ပေးခြင်းနှင့် အကြမ်းဖက်စစ်ကောင်စီ၏ မတရားသဖြင့် ဖမ်းဆီးခံကြရသော ပြည်သူများအား ဥပဒေအရအကူအညီပေးနိုင်ရေးနှင့် အခြေခံလိုအပ်ချက်များ ပံ့ပိုးပေးနိုင်ရေး ကြိုးပမ်းဆောင်ရွက်ခြင်းများကိုလည်း ဆောင်ရွက်လျက်ရှိပါသည်။
ပြည်သူ့ရေးရာကော်မတီအနေဖြင့် ကူညီထောက်ပံ့မှုပြုလုပ်ရာတွင် ပြည်သူ့ဝန်ထမ်း CDM သူရဲကောင်းများ၏ မီးဖွားစရိတ်၊ အရေးပေါ်ဆေးကုသစရိတ်၊ အိမ်ခန်းနေရာရွှေ့ပြောင်းရခြင်း၊ CDM ဝန်ထမ်းကိုသာ မှီခိုနေရ၍ ယခုကာလအတွင်း စားဝတ်နေရေး ကြပ်တည်းနေခြင်း၊ နေအိမ်မီးရှို့ခံရခြင်း စသည်ဖြင့် အရေးပေါ်ထောက်ပံ့မှုများကို ခွဲခြားထားရှိပြီး မီးဖွားစရိတ်နှင့် အရေးပေါ်ဆေးကုသစရိတ်အတွက် ပထမဦးစားပေးအဖြစ် ထောက်ပံ့ပေးလျက်ရှိပါသည်။ သို့သော် ကော်မတီအနေဖြင့် ပံ့ပိုးကူညီရန် ဘဏ္ဍာငွေအခက်အခဲရှိခဲ့ပါက တင်ပြလာသည့် CDM ဝန်ထမ်းများအနက်မှ အချို့ကို သက်ဆိုင်ရာဝန်ကြီးဌာနများသို့ ချိတ်ဆက်၍ ထောက်ပံ့မှုများရရှိနိုင်ရေး ကူညီဆောင်ရွက်ပေးလျက်ရှိပါသည်။
၂၀၂၃ ခုနှစ်၊ ဇန်နဝါရီလမှ ဧပြီလအတွင်း ကျန်းမာရေး၊ မီးဖွား၊ စားဝတ်နေရေး၊ နေအိမ်ရွှေ့ပြောင်း၊ နေအိမ်မီးရှို့ခံ၊ ဖမ်းဆီးခံနှင့် ကွယ်လွန် စသည့် ကဏ္ဍအလိုက် ကူညီပံ့ပိုးမှုများကို CDM ဝန်ထမ်းပေါင်း (၁၀၉၇) ဦးအား ကူညီထောက်ပံ့နိုင်ခဲ့ပါသည်။
ပြည်သူ့ရေးရာကော်မတီသည် နိုင်ငံတကာမှ လှူဒါန်းငွေများ၊ Ahlu Shin Application နှင့် Spring Legends YouTube Channel တို့၏ ကြော်ငြာများမှ ရရှိသည့် ဝင်ငွေများဖြင့် အမှန်တကယ် လိုအပ်လျက်ရှိသည့် CDM များ၏ အရေးပေါ်ကိစ္စရပ်များအား ကူညီပံ့ပိုးလျက်ရှိပါသည်။
ထို့ကြောင့် ပြည်သူများအနေဖြင့်လည်း အောက်ပါလင့်ခ်များမှတစ်ဆင့် Ahlushin App အား Installed ပြုလုပ်၍ ကလစ်ခြင်းနှင့် Spring Legends YouTube Channel မှ ဗီဒီယိုများအား ကြည့်ရှုပေးခြင်းဖြင့် CDMer သူရဲကောင်းများအတွက် ပါဝင်ကူညီနိုင်ပါသည်။
Ahlushin Application
iOS Version Link
https://apps.apple.com/ph/app/ahlu-shin/id1629192579
Play Store Link
https://play.google.com/store/apps/details?id=com.cdmsupport.ahlushin
Direct Link
https://bit.ly/3oDwRfI
Spring Legends YouTube Channel
https://www.youtube.com/@springlegends7763
ပြည်ထောင်စုလွှတ်တော်ကိုယ်စားပြုကော်မတီ
