ကြေညာချက်အမှတ်(၃/၂၀၂၁)
၁၃၈၂ ခုနှစ်၊ တပေါင်းလဆန်း (၆) ရက်
(၂၀၂၁ ခုနှစ်၊ မတ်လ ၁၈ ရက်)

အကြောင်းအရာ ။ ။ (က) အိမ်သုံးအမျိုးအစား လျှပ်စစ်ဓါတ်အားခကျသင့်ငွေနှင့် မီတာဝန်ဆောင်ခများကို သုံးစွဲမှုယူနစ်အားလုံးအတွက် ၂၀၂၁ ခုနှစ်၊ ဖေဖော်ဝါရီလ (၁)ရက်နေ့မှစ၍ ခြွင်းချက်မရှိ ကင်းလွတ်ခွင့် (အခမဲ့) ပြုခြင်း။

(ခ) အိမ်သုံးမဟုတ်သည့် အမျိုးအစားများအတွက် လျှပ်စစ်ဓါတ်အားခကျသင့်ငွေနှင့် အခြားဝန်ဆောင်ခများကောက်ခံခြင်းကို ၂၀၂၁ ခုနှစ်၊ ဖေဖော်ဝါရီလ (၁)ရက်နေ့မှစ၍ သုံးစွဲမှုယူနစ်အားလုံးအတွက်ခေတ္တ ဆိုင်းငံ့ခြင်း။

ရည်ညွှန်းချက် ။ ။ ခေတ္တဒုတိယသမ္မတ ဦးဆောင်ကျင်းပသည့် ပြည်ထောင်စုအစိုးရအဖွဲ့ အစည်းအဝေး အမှတ်စဉ် ၁/၂၀၂၁ ဆုံးဖြတ်ချက်

၁။ ပြည်ထောင်စုအစိုးရ၏လမ်းညွှန်ချက်အရ၊ လျှပ်စစ်နှင့်စွမ်းအင်ဝန်ကြီးဌာနအနေဖြင့် COVID-19 ကြောင့် ပြည်သူများ စီးပွားရေးအရ၊ စိတ်ဓါတ်ရေးရာအရ ကြပ်တည်းခြင်းများစွာ ရှိနေခြင်းကို အထိုက်အလျောက် ပြေလျော့စေရန် ၂၀၂၁ခုနှစ်၊ ဇန်နဝါရီ လ (၃၁) ရက်နေ့အထိ အိမ်သုံးအမျိုးအစား လျှပ်စစ်ဓါတ်အားသုံးစွဲမှု (၁) ယူနစ်မှ (၁၅၀) ယူနစ်အထိ ဓါတ်အားခ ကျသင့်ငွေနှင့် မီတာဝန်ဆောင်ခ အပါအဝင် ကင်းလွတ်ခွင့် (အခမဲ့) ပြုခဲ့ပြီး ဖြစ်သည်။

၂။ ယခုအခါ COVID-19 ကူးစက်ရောဂါကပ်ဘေးအပြင်၊ အာဏာသိမ်းစစ်အုပ်စု၏ အဆင်အခြင်မဲ့လုပ်ရပ်များကြောင့် ပြည်သူ များ နေ့စဉ်နှင့်အမျှ စိတ်ရောကိုယ်ပါ အတိဒုက္ခရောက်နေကြရသည့်အပြင် လူမှုစီးပွားဘ၀များ မကြံစဖူး ထူးကဲစွာ အကြပ်အတည်း ရင်ဆိုင်နေရသည့်ကာလ ဖြစ်သောကြောင့် အိမ်သုံးအမျိုးအစား လျှပ်စစ် ဓါတ်အားသုံးစွဲမှုအတွက် ဓါတ်အားခကျသင့်ငွေ နှင့် မီတာဝန်ဆောင်ခအား ၂၀၂၁ ခုနှစ်၊ ဖေဖော်ဝါရီလ (၁) ရက်နေ့မှစ၍ နောက်ထပ်ကြေညာချက်တစ်စုံတစ်ရာ မထုတ်ပြန်မီ အချိန် အထိ ခြွင်းချက်မရှိ အလုံးစုံ ကင်းလွတ်ခွင့်(အခမဲ့) ပြုလိုက်သည်။

၃။ အိမ်သုံးမဟုတ်သည့် အမျိုးအစားများအတွက် ဓါတ်အားခကျသင့်ငွေနှင့် အခြားဝန်ဆောင်ခများ ကောက်ခံခြင်းအား ၂၀၂၁ ခုနှစ်၊ ဖေဖော်ဝါရီလ (၁)ရက်နေ့မှစ၍ နောက်ထပ်ကြေညာချက်တစ်စုံတစ်ရာ မထုတ်ပြန်မီ အချိန်အထိ ခေတ္တဆိုင်းငံ့ ထားလိုက် သည်။

၄။ သို့ပါ၍ အိမ်သုံးအမျိုးအစား လျှပ်စစ်ဓါတ်အားခကျသင့်ငွေ နှင့် မီတာဝန်ဆောင်ခအား ၂၀၂၁ ခုနှစ်၊ ဖေဖော်ဝါရီလ (၁) ရက်နေ့မှစ၍ သုံးစွဲမှုယူနစ်အားလုံးအတွက် လုံး၀(လုံး၀) ပေးဆောင်ရန်မလိုဘဲ၊ အိမ်သုံးမဟုတ်သည့် အမျိုးအစားများအတွက် ပေးဆောင်ရမည့် ဓါတ်အားခကျသင့်ငွေနှင့် အခြားဝန်ဆောင်ခ များကို ပေးဆောင်ခြင်းမပြုဘဲ ဆိုင်းငံ့ထားကြရန် ဖြစ်သည်။

(ပုံ) တင်ထွန်းနိုင်
ခေတ္တပြည်ထောင်စုဝန်ကြီး
စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန